Биш айлык баланы атасы кыйнап үтергән
121
Мәскәү өлкәсендәге Люберцы шәһәрендә 5 айлык кыз бала һәлак булган. Бу турыда РЕН ТВ хәбәр итте.
Малаховка бистәсендә яшәүче ир-ат нәни кызын кыйный. Бала мәетендә бик күп травмалар булуы ачыклана.
«5 айлык кыз атасы кыйнаганнан соң үлгән. Аның башында һәм кулларында травмалар күп булуы билгеләнде», – дигән телеканал чыганагы.
Хәзер эшне полиция тикшерә. Баланың атасы тоткарланган. Якын арада аңа карата чикләү чарасы билгеләнәчәк.