Новое
Мәскәү өлкәсендә үсмер җирдән петардага охшаган әйберне алган – аның бармаклары өзелгән
47
Мәскәү өлкәсенең Люберцы шәһәрендә 16 яшьлек үсмер петардага охшаган предмет шартлау нәтиҗәсендә кулын имгәткән. Бу хакта Мәскәү өлкәсендәге балалар хокуклары буенча вәкаләтле вәкил Ксения Мишоновага сылтама белән ТАСС хәбәр итә.
Аның сүзләренчә, егет җирдә шикле әйбер күргән, аны кулына алган, шуннан соң шартлау булган.
Социаль челтәрләрдә үсмернең бармаклары өзелүе турында хәбәр итәләр. Хәзерге вакытта аңа барлык кирәкле ярдәм күрсәтелә.
Мишонова ата-аналарны балалары белән таныш булмаган предметларны күтәрүнең куркыныч икәнлеге һәм моның рөхсәт ителмәве турында сөйләшергә өнди.