Әнисе тавыклар ашатканда душта кайнар суга пешкән бала үлгән
1236
Мәскәү өлкәсендәге хастаханәдә 2 яшьлек малай вафат булган. Воскресенск шәһәрендә яшәгән сабый душ кабинасында пешеп беткән булган. Бу турыда «Вести» каналы хәбәр итте.
Фаҗига 17 июльдә була. 2 яшьлек сабыйның анасы тавыклар ашатырга чыгып китә. Хатын сабыйны олы улына калдыра, сабыйның подгузнигын алмаштыра торырга куша.
11 яшьлек абый кеше энесен ванна бүлмәсендә калдырып, бер минутка гына чыгып китә. Сабый шул вакыт эчендә душ кабинасына керә һәм кайнар су кранына орына.
Баланы хастаханәгә китерәләр. Аның тәненең 70 проценты пешкән. Кызганычка, табиблар аның гомерен коткарып кала алмаган, җиде көннән соң бала үлгән, диелә хәбәрдә.